Concorso Poesi@ & Rete by SputniX.it
Pagina creata usando Gambas
Natali 2004
Poesia processata dal file /home/w/poesiaerete2006/2006-02-05.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino
Natali 2004
Lassatimi stari! Non mi diciti nenti!
Oggi non é jurnata ca si po’ parrari!
La vuci mi siccàu
e ‘ntra li vini assintumàu (1) lu sangu…
(si fermò come colpito da sincope
Chistu non è Natali!
Avev’a essiri un beddu jornu di festa
ddu malirittu primu jornu di scola
- cu li vistiteddi novi
e li ciuri di rialari a la maestra –
ma la festa…ci la ficiru bona
a ddi poviri picciriddi
morti ammazzati
lassati ‘nterra… nuri e ‘nsanguliati…
Non mi diciti nenti!
Chistu non é Natali!
E comu avev’a nasciri lu Bamminu
si ‘na striscia di terra
scatinàu ‘na guerra
e a Betlemmi non c’é cchiù mancu ‘na grutta
unni si po’ campari!
Lassatimi stari! Non mi diciti nenti!
Puru lu mari vasatu di lu suli
chinu di pisci e curaddi stralucenti
si vunchiàu dda matina…
si vunchiàu…si vunchiàu…
finu a divintari muntagna
e cu la vucca spalancata s’agghiuttìu
picciriddi e giganti
riccuni e puvureddi
Non ci nni foru santi
né prieri di fimmineddi…
Janca di scantu s’ammucciàu la vita
e sulu arristàu
niuru e fitusu lu fangu
a ricurdari la natura di l’omu.
Chistu non é Natali!
puru si dda supra
c’è ancora ‘na stidda
…una sula…
…lucenti comu l’oru
(1) si fermò come colpito da sincope
Torna all'indice
