Concorso Poesi@ & Rete by SputniX.it
Pagina creata usando Gambas
Riscattu
Poesia processata dal file /home/w/poesiaerete2006/2006-02-05.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino
Ppi timpu assai lungu
fummu vastuniati
nuantri
ca stamu
nni stu pugnu di terra
‘mpastatu
di surfaru di lagrimi e di sangu…
ppi troppu troppu timpu
purtammu lu juvi
appisu a lu cuddu…
un juvi
accussì pisanti
ca ancora
avimu li sgramignuna
nni lu cori…
cu arrivava
scaliava
arraffava
munciuliava
e strazzava…
e a li nustri fimmini
jera facili farli scantari e
susirci a vistina…
ma ora
dicimu basta!
Ora
ca nni susimmu
di ‘nterra
e sapimu teniri
ganta la testa….
ora ca nni ‘mparammu
du paroli dunci
ca nni inchinu
d’orgogliu
la vucca
e l’arma:
dignità e libertà!
Torna all'indice
