Concorso Poesi@ & Rete by SputniX.it
Pagina creata usando Gambas
Foddi 'i tia
Poesia processata dal file /home/w/poesiaerete2006/2006-01-30.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino
Certi mumenti un foddi io mi sentu
Senza risettu mi giru e mi firrìu
Circannu c’occhi cosa ca nun trovu
Però zocch’è ‘un lu sacciu mancu io.
Su tutti furnicìi ca io un’avìa
Prima ‘i ‘ncuntrari a tia amanti mia
Cu ‘na man' à mascidda io campava
Inveci ora haiu sempri ‘a testa a tia.
Quannu na strània tu eri pi mia…nun vidìa
Ma di essiri orvu nun sapìa
Ntisa di l’aricchi un’avìa
E ‘u fattu ca era surdu scanuscìa.
Inveci ora talìu nu gabbianu
E già cu iddu volu
Vìu un tramuntu 'i suli
E a lampu miu lu fazzu.
Ora havi un pezzu, e già ci fici ‘u caddu
Ma a prima mi sinteva ‘anticchia pazzu.
No spissuliddu tu la notti vigghi
Pi lu disìu addumatu c’ha ‘ntò cori
Mi veni araçiu ‘o latu e m’arruspìgghi
Çiatànnu dintra ‘i mia duci palori.
Si c’è 'n'anticchia ‘i largu na me menti
È na gnunidda risirvata a tia
Ti pigghiu e ti ci appoiu ducimenti
E ‘ntà l’aricchi tu parri cu mia.
Tortu nun n’appi propriu me mugghieri
Du jornu ca mi dissi “Vicinzìnu!
Ti viu pigghiatu troppu di pinzeri
Di quannu teni ‘manu lu pinninu”.
Ma chi ci pozzu fari siddu tuni
Di mia facisti un’omu sugnaturi
‘i tantu ‘ntantu tu mi du un vasuni
E arreri cuminciamu a fari ‘amuri.
Quannu ti sentu ‘u cori scaccanìa
Puisia… m’arridducivu foddi ‘i tia.
Vincenzo Aiello
Bagheria 21ቢ
Torna all'indice
