Concorso Poesi@ & Rete by SputniX.it
Pagina creata usando Gambas
Ballarò
Poesia processata dal file /home/w/poesiaerete2006/2006-01-31.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino
Ballarò
Quanta genti nta sta chiazza antica!
Milli vuci, milli culuri,
milli ciavuri e sapuri.
Lu carnizzeri scacciava li muschi
pusati supra li jaddini spinnati.
Pani di Murriali, vinu di Partinicu.
Alivi, sardi salati.
“ Aiu ‘a trippa!”
Mussu, quarumi,zampa
grapianu la fami a li spitittati.
“ Che bella, che bella ‘a nunnata.!”
Tunnina, pisci spada, ammaru munnatu,
opi, scurmi, trigghi, purpi majulini.
Trasia lu mari dintra li casi.
“Na trizza d’ agghia centu liri!”
Bancareddi di frutta e virdura,
quatri pittati di na città filici.
Cacocciuli vugghiuti, pipi nfurnati,
sapuri di simplicità.
Babbaluci pi sucarisi lu ciriveddu.
Taralli e pupateddi,
nciminati e quaresimali,
ciavuri di festa paisana.
Pupaccena e frutta marturana,
culuri di spinsiratizza.
Calia, simenza e scacciu
pi passarisi lu tempu
scurdannusi la miseria.
Fineru ddi manciati ……..puvireddi,
tavuli cunsati d’ alligria.
Finiu Ballarò,
cori di Palermu,
città felici ca nun c’è chiù.
BALLARO’ – Quanta gente/ in questa piazza antica!/ Mille voci, mille colori,/mille odori e sapori./ Il macellaio cacciava le mosche/poggiate sopra le galline spennate./ Pane di Monreale, vino di Partinico./Olive, sarde salate./ “ Ho la trippa!”/ Bocca, interiora e zampa/ aprivanu l’ appetito a chi non aveva fame./ “ Che buoni i pesciolini!”/ Tonno, pesce spada, gambero pulito,/ vope, sgombri, triglie, polipi maiolini./ Il mare entrava nelle case./ “ Una treccia d’ aglio cento lire!”/Bancarelle di frutta e verdura,/ quadri dipinti/di una città felice./ Carciofi bolliti, peperoni al forno,/ sapori di semplicità./ Lumache per succhiarsi il cervello./ Biscotti dolci,/ con il sesamo e mandorlati,/ odori di festa paesana./ Pupi di zucchero e pasta di mandorla, / colori di spensieratezza./ Ceci tostati, semi e frutta secca/ per passare il tempo/ dimenticando la miseria./ Sono finiti quei pranzi.....da poveretti,/ tavole apparecchiate d’ allegria./ E’ finita Ballarò,/ cuore di Palermo,/ città felice che non c’ è più.
Torna all'indice
