Concorso Poesi@ & Rete by SputniX.it
Pagina creata usando Gambas
PUITATA ( Poiesi)
Poesia processata dal file /home/w/poesiaerete2006/2006-02-01.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino
PUITÁTA
Unni
quannu ti viru
se ll'ali ti fingi r'aternu stisi a li cela
se u tirrenu
ncianu rô cori
ppi ttia…arma, è sthranu ?
Ora - se ti piaci - ri l'uocci rê manu
affàcciti
e ttaliellu ssu fuddhittu
cumu sciùscia
comu frisca ammienzu ê fraschi
u surrùscu
vampanigghia supr'ô cianu
comu cància
nìuru-rrussu supr'ê casi
ca si ùncia e pprestu ciovi
scrùsciu
ntô tettu e ntâ vithrata
ca ni vagna
râ filazza r’unni trasi…bbelllu!…na bburrascata !
E-cciovi… e-ttrasi
a cina rìntr’ô piettu
e u cori - aruci aruci - si cci annìja
ntâ ‘n cuncùni ri paroli sthrammi
ca ni lava
a vucca e nti la menti
ccâ rrima… lìmpia …na puitàta !
E-qquannu scampa e-ll’aria è qqueta
squasi
se spunta u suli e a lucerta è nti na pethra
piu-piu ri supr’â rrama
na pàmmina ca gghira e ccari
e acciùi nun fingi
arma mia – ràpimi – e ddhimmìllu…
comu si fa …a nun gn’èssiri pueta ?
Torna all'indice
