Concorso Poesi@ & Rete by SputniX.it

Pagina creata usando Gambas

A me matri

Poesia processata dal file /home/w/poesiaerete2006/2006-02-04.html
Per votare questa poesia dal 20/02/2006 al 31/03/2006 clicca qui via Email o via form e numero di videofonino



Ascunta mammarè,
senti chi dicu:
sugnu to figliu,
chiddu chiù nicu,
nun sugnu siddiatu
e mancu scuntenti,
tantu lu sacciu
nun è veru nenti!
Tu nun si morta
ma acchianasti ncelu
e ora ti trovi mparadisu,
puru San Petru
ti fici bon visu!
Nun ivi a missa,
nun prigavi i Santi
ma meriti nnavisti
tanti e tanti.
Li figli li criscisti
cu tantu amuri,
lu maritu lu curasti
comu un iuri!
Ora ncuminci
na vita diffrenti,
senza dulura
né patimenti.
T’aspetta u papà
cu a bedda Fina,
lu sentu chi ti chiama:
Gina, Gina!
Portacci i saluti
di Minineddu,
l’ultimu figliu
u chiù nicareddu!
Ca a terra
fu vinnuta
nun ci lu diri,
se no natra vota
u fa muriri!
Lu sa mammarè
chi vogliu fari?
Quannu moru
ti vegnu a truvari,
un figliu senza matri
nun po’ stari!





Torna all'indice

Valid HTML 4.01!